Түндүк Кореяда коронавирус илдети тездик менен жайылып жатканы айтылууда

Түндүк Кореяда коронавирус илдети тездик менен жайылууда. Бул тууралуу чет элдик басылмаларда жазылат.

Маалыматка ылайык, апрель айынын аягынан бери 350 миң адамга илдет жуккан. Алардын 162 миңи дарылануудан өтсө, 6 адам каза болгон.

"Кечээ, 12-майда өлкө боюнча 18 миң адамдан илдет аныкталган, ошол эле учурда 187 миң адам карантинге алынып, дарылануудан өтүүдө", - деп билдиришкен Түндүк Кореянын борбордук телеграфтык агенттигинен.

Эске салсак, кечээ, 12-майда Эмгек партиясынын кезексиз отуруму өтүп, ага өлкө лидери Ким Чен Ын катышканы жана өлкөдө 2 жылдан бери алгачкы жолу илдет аныкталганы жазылган.

Автор: Сезим Жумагулова