1-декабрдан тарта Тимур Фрунзе көчөсү менен №8-троллейбус каттамы жүрө баштайт

Тимур Фрунзе көчөсү мэрдин катышуусунда ачылды.

Капиталдык оңдоо иштеринен соң бүгүн, 28-ноябрда Тимур Фрунзе көчөсү расмий ачылды. Бул иш-чарага шаар тургундары жана шаар башчысы Иса Өмүркулов катышты. Оңдолуп колдонууга берилген жолдун узундугу 1,3 чакырым. Ал Гагарин көчөсүнөн башталып Л.Толстой көчөсүнөн бүтөт. Жолдун туурасы 7-8 метрден 11 метрге чейин кеңейтилген. Ошондой эле эки кат асфальт төшөлгөн. Бул жолду оңдоого жалпысынан 47 миллион сом каражат жумшалган. Эми бул көчөдөн №8-троллейбус 1-декабрдан тарта жүрө баштайт.

Автор: Бекжан Рыскулов
Фото: Бишкек шаардык мэриясынын басма сөз кызматы