100 миң сом сүйүнчү. Президенттин өкүлү Ошто төрөлгөн төрт эмдин ата-энесин куттуктады

Ошто төрөлгөн төрт эм ымыркайга президенттин облустагы ыйгарым укуктуу өкүлү Зиядин Жамалдинов 100 миң сом сүйүнчү берди. Бул туурасында өкүлчүлүктүн маалымат кызматынан кабарлашты.

Белгилүү болгондой, бүгүн, 17-майда Зиядин Жамалдинов Ош облустук төрөт үйүндө жарыкка келген төрт эм ымыркайдан кабар алды. Облус башчысы ымыркайдын ата-энесин куттуктап 100 миң сом сүйүнчү берди.

Эске салсак, 2-май күнү Кара-Суу районунун 1990-жылы туулган тургуну төрт эм (эки уул, эки кыз) ымыркай төрөгөн.

Учурда ымыркайлардын, энесинин абалы жакшы жана үйүнө чыгарылды. Алардын ден соолугу дарыгерлердин көзөмөлүндө болот.

Автор: Бактыгүл Момбекова
Фото: Президенттин Ош облусундагы өкүлчүлүгү