Бишкекте адашып кеткен наристенин жакындарын табышууга милиция жардам сурайт

Бишкекте болжол менен 2-3 жашар наристе адашып кетти. Милиция кызматкерлери баланын ата-энесин, жакындарын табышууга жардам сурайт.

Ленин РИИБдин маалымат кызматынан белгилешкендей, наристе бүгүн, 17-майда саат 12:00 чамасында Москва жана Үмөталиев көчөлөрүнүн кесилишинен тургундар тарабынан табылган. Болжол менен 2-3 жашта. Милиция кызматкерлери наристенин ата-энесинин жашаган жерин аныктоо иштерин жүргүзүүдө.

Эгерде сүрөттөгү наристени таанып, билгендер болсо кабар берип коюуну милиция кызматкерлери өтүнөт. Байланыш номерлери: 0312352947, 0312654494, 0555102149, 0502149149 же 102.

Автор: Бактыгүл Момбекова
Фото: Ленин РИИБинин басма сөз кызматы