Бишкектеги 3 жаңы конушта мектептердин курулуш иштери уланууда

Бишкектин жаңы конуштарында 3 мектептин курулуш иштери уланууда. Бул тууралуу шаардык мэриянын басма сөз кызматынан билдиришти.

Маалыматка ылайык, мектептердин бири Ак-Ордо жаңы конушундагы Тагай бий көчөсүндө курулуп жатат. Ал 750 орунга ылайыкталган. Учурда аталган окуу жайдын пайдубалы түптөлүп жатат.

Ал эми 660 орунга ылайыкташтырылган экинчи мектеп Ак-Босого жаңы конушуна салынып жатканы кабарланды.

Ошондой эле 380 орундуу дагы бир мектеп Көлмө калктуу конушунда курулууда. Учурда аталган жалпы билим берүүчү мекемелердин курулуш иштери күчөтүлгөн тартипте жүргүзүлүп жатканы маалымдалды.

Автор: Жанбулат Жумабеков