Президенттик оркестр Бишкектин тургундарына жана конокторуна акысыз концерт коёт

Борбор калаанын мэриясы шаардыктарды жана калаанын конокторун президенттик "Манас" оркестринин жандуу классикалык музыкасын угуп, эс алып кетүүгө чакырат. Бул тууралуу мэриянын маалымат кызматынан билдиришти.

Маалыматка ылайык, концерт 26-27-май күндөрү Эски аянтта ачык асман алдында саат 19:00дө болот.

Концерттин максаты – ар бир адамдын жана жалпы коомдун маданий жана руханий потенциалын өнүктүрүү жана ишке ашыруу. Аталган иш-чара президенттин администрациясынын колдоосу менен өткөрүлөт.

Көркөм жетекчиси, башкы дирижёру, Кыргыз Республикасынын Эл артисти – Эрнис Асаналиев.

Кирүү акысыз.

Автор: Алина Айдарбекова