Таласта никеге эрте турууга каршы иш-чаралар өткөрүлүүдө

Таласта балдар менен иштөө инспекторлору никеге эрте турууга каршы иш алып барууда. Облустук ички иштер башкармалыгынан билдиришкендей, милиция кызматкерлери ата-энелерге кыздардын укуктарын коргоо милдет экендигин эскертишти.

Белгилүү болгондой, Атай Огонбаев айылындагы орто мектепте балдар менен иштөө инспекциясы бүтүрүүчү класстардын окуучулары жана ата-энелери менен жолугушуу өткөрүштү.

"Анда эрте никелешүүнүн терс жактары, кыз ала качуу кылмыш экендиги айтылып, балдардын билимге болгон умтулуусун арттыруу керектиги белгиленди. Окуучулар атайын ушул темада өздөрүнүн демилгеси менен презентация уюштуруп, кыз ала качуу адамдын эркине каршы кылмыш болгонун жана алар билим алып, зордук-зомбулуксуз өз каалоолору менен бактылуу турмуш кургулары келгендигин билдиришти. Презентациянын жүрүшүндө кыргызда зордук-зомбулук көрсөтүү болбогонун, ата-эненин балага камкордугу, улуттук намыс бийик турары айтылды", - дешет мекемеден.

Автор: Бактыгүл Момбекова
Фото: Талас ОИИБинин басма сөз кызматы