Каракол-Эңилчек унаа жолуна кар көчкү түшүп, жол жабылды

Каракол-Эңилчек унаа жолуна кар көчкү түшүп, унаа жол жабылды. Бул тууралуу Өзгөчө кырдаалдар министрлигинен кабарлашты.

Маалыматка ылайык, 30-май күнү Каракол-Эңилчек унаа жолунун 76-77-чакырымында жана 81-82-чакырымында кар көчкү түшүп, жол каттамын жаап калган.

"Көчкүнү тазалоого №11 Жол тейлөө ишканасынан 1 бульдозер тартылды.

Кечээ аба ырайы өзгөргөнүнө байланыштуу кар көчкү түшүү коркунучу пайда болуп жана көрүү аралыгы төмөндөп калгандыктан саат 17:50дө иш-чаралар убактылуу токтотулду. Бүгүн, 31-май күнү улантылат", - деп айтылат маалыматта.

Автор: Айпери Бакталбек кызы
Фото: Интернеттен алынды