Украинада "Ахмат Кадыров" полкунун подполковниги каза болду

Чеченстандын "Ахмат Кадыров" атайын полкунун командиринин орун басары Заур Димаев Украинадагы Камышеваха айылында Украинанын аткылоосунан улам каза болду. Бул тууралуу BAZA басылмасы жазды.

Маалыматка ылайык, аткылоо 31-май күнү күндүз болгон. Анда Чеченстандын "Ахмат Кадыров" атайын полкунун аскерлери отурган УАЗ Патриот унаасын украиналык аскерлер аткылаган.

Аткылоонун кесепетинен чеченстандык подполковник Заур Димаев жана анын айдоочусу каза болуп, 4 адам жабыркаган.

Чеченстандын башчысы Рамзан Кадыров бул маалыматты азырынча тастыктай элек.

Автор: Азат Бейшенбеков