Быйыл ажылык зыяратка бара тургандардын алгачкы тобу 16-июнда Медина шаарына учуп кетет. Бул туурасында Муфтияттан маалымат таратышты.
Маалыматта жазылгандай, ар бир учуучу топто 405 ажы сапар алып, аларды 8 ажы башчы коштоп бармакчы. Ал эми ажылардын акыркы тобу 22-июнда Медина шаарына жөнөп кетишмекчи.
Сауд Араб Падышалыгынын (САП) ажылык жана умра министрлиги 2022-жылдагы ажылык сапары үчүн Кыргызстанга 2766 квота бөлгөн.