Саламаттыкты сактоо министрлигинин жооптуу 3 кызматкеринин бөгөт коюу чарасы тандалды

Коррупцияга шектелип кармалган Саламаттыкты сактоо министрлигинин үч жооптуу кызматкеринин бөгөт коюу чарасы 4-июнда каралды. Бул тууралуу Октябрь райондук сотунун маалымат кызматынан билдиришти.

Маалыматка ылайык, министрликтин дары-дармек жана медициналык буюмдар бөлүмүнүн башчысы Султан Сатарбеков үй камагына чыкты.

"Ал эми саламаттыкты сактоо министринин мурдагы орун басары Улук-Бек Бектурганов УКМК СИЗОсуна 2-августка чейин, Иммунопрофилактика боюнча республикалык борбордун директору Гүлбара Ишенапысова ошол эле абакка 2-июлга чейин камалды", - деп билдиришти соттон.

Белгилүү болгондой, алар COVID-19га каршы вакцина сатып алууда орун алган коррупция фактысы боюнча 2-июнда кармалган.

Автор: Айжанар Рыспек кызы