Министрдин орун басары жоокердин сабалышы боюнча: "Эми мындай окуя болбойт"

Мындан кийин аскер кызматын өтөөгө барган жоокерлер сабалбайт. Бул тууралуу өзгөчө кырдаалдар министринин орун басары Урматбек Шамырканов маалымат жыйында айтты.

"Мындан кийин мындай окуялар болбойт. Кепилдик беребиз", - деди ал.

Беловодское айылындагы Өзгөчө кырдаалдар министрлигинин аскер бөлүгүндө кызмат өтөп жаткан 20 жаштагы жоокер Бекзат Эсенбеков катуу сабалганын жакындары айтып чыгышкан. ӨКМ окуя боюнча билдирүү тараткан. Жоокердин абалы бүгүнкү күнгө карата орточо оор деп бааланууда.

Автор: Азат Бейшенбеков