Орусиядагы элчилик мигранттар үчүн маалыматтык чат-ботун ишке киргизди

Кыргызстандын Орусиядагы элчилиги жарандарга консулдук маселелер боюнча байланышты жакшыртуу максатында маалыматтык чат ботун ишке киргизди. Бул тууралуу Тышкы иштер министрлигинен билдиришти.

Ага ылайык, жарандар чат-бот аркылуу консулдук кызматтарды алуу тартиби боюнча мамлекеттик жана расмий тилдерде маалыматтарды алышат.

Анда төмөнкү маалыматтар жеткиликтүү болот:

Элчиликтин Консулдук бөлүмүнүн дареги жана иш тартиби;
Кыргыз Республикасынын паспортун берүүнүн тартиби;
Кыргыз Республикасынын айдоочулук күбөлүгүн алмаштыруунун тартиби;
Кыргыз Республикасына кайтып келүү үчүн күбөлүк алуунун тартиби;
Консулдук маселелер боюнча алдын ала жазылуу тартиби жана башка суроолор боюнча.

Ошол эле учурда элчилик консулдук бөлүмүнүн ишмердүүлүгү тууралуу жана консулдук-укуктук маселелер боюнча актуалдуу маалыматтарды берүү үчүн расмий Telegram-каналы ачылды.

Автор: Айжанар Рыспек кызы
Фото: Интернеттен алынды