Бишкектеги Чоң Чүй каналынан 37 жаштагы аялды издөө иштери жүрүүдө

Бишкек шаарындагы Чоң Чүй каналынан 37 жаштагы аялды издөө иштери жүрүүдө. Бул тууралуу ӨКМдан билдиришти.

Буга чейин ушул жылдын 12-июнь күнү Бишкек шаарынын Свердлов районундагы Элебесов көчөсүнүн тушунда Чоң Чүй каналына 1985-жылы туулган аял киши чөгүп кеткени тууралуу кабарланган.

Бүгүн, 17-июнда Чоң Чүй каналынан издөө иштерин жүргүзүүгө Бишкек шаардык Куткаруу кызматынан 4, Сокулук райондук №23 ӨКБдан 4, Аламүдүн райондук №1 ӨКБдан 4, жалпы 12 куткаруучу тартылды.

Издөөнүн жыйынтыктары жөнүндө кошумча маалымат берилет.

Автор: Алина Айдарбекова