Ош шаарында 120 орундуу бала бакчанын курулушу башталды

Ош шаарында 120 орундуу бала бакчанын жаңы имаратынын курулушу башталды. Бул тууралуу Ош шаардык мэриясынан билдиришти.

Маалыматка ылайык, Ош шаарынын Юго-Восток кичи районунда 120 орундуу "Балажан" бала бакчасынын кошумча имаратынын курулушу башталды.

"Учурда пайдубалын куюу иштери жүрүп жатат. Бекитилген мөөнөт боюнча объект 9 айда пайдаланууга берилиши керек. Курулуш компаниясы тарабынан объектти быйылкы жылы бүткөрүп, колдонууга берүү аракеттери көрүлүүдө", - деп жазылган маалыматта.

Автор: Айзада Кыдырмышева