1-класска балдарды электрондук каттоонун экинчи этабы кийинки аптада башталат

Мектептерге электрондук каттоонун экинчи этабы 27-июнда башталат. Бишкек шаардык мэриясынан кабарлашкандай, каттоо саат 09:00дө старт алат.

Калаа башкармалыгынан бош орундар бар бардык мектептерге каттоо ачыларын белгилешет.

"Ата-энелер жашаган жерине карабастан бош орундар бар мектепке балдарын каттай алат. Болгону алар мыйзамдуу жашаган жери боюнча каттоодон өтүшү керек. Ал эми "Мектепке электрондук кабыл алуу" программасына катталган ата-энелер жеке кабинети аркылуу мектепти алмаштыруу мүмкүнчүлүгүнө ээ болушат", - деп айтылат маалыматта.

"Мектепке электрондук кабыл алуу" https://mektep.edu.gov.kg/ сайтында жүргүзүлөт. Электрондук каттоодон өтүнүн жол-жоболорун шилтеме аркылуу кирип, окуңуз.

Техникалык колдоо боюнча байланыш номерлер: +996 (312) 98 89 40, 119.

Автор: Бактыгүл Момбекова
Фото: Бактыгүл Момбекова