Түркияда каза болгон кыргыз келиндин сөөгүн мекенине жөнөтүү маселеси каралууда

Түркиянын Гиресун провинциясынын токоюнан кыргызстандык аялдын жансыз денеси табылганы кабарланган. Бүгүн, 23-июнда Тышкы иштер министрлиги бул окуяны көзөмөлгө алганын маалымдады.

Тышкы саясий ведомстводон билдиришкендей, 21-июнга караган түнү Гиресун провинциясынын токоюнан жансыз денеси табылган келин 1982-жылы туулган Кыргыз Республикасынын жараны К.Н. экени аныкталды. Ал зомбулуктан каза болгон. Учурда укук коргоо органдары тарабынан ыкчам-иликтөө иш-чаралары жүргүзүлүп, адам өлтүрүүгө шектелип эки Түрк жараны кармалды.

Башкы консулдук тарабынан "Жүк-200дү" Кыргызстанга жөнөтүү маселеси иштелип жатат.

Автор: Бактыгүл Момбекова