Бишкек-Балыкчы поезд каттамы кайра жанданды

Убактылуу токтотулган Бишкек-Балыкчы поезд каттамы кайра жанданды. Маалыматты "Кыргыз темир жолу" ишканасынан кабарлашат.

Мекемеден билидиришкендей, эртең, 26-июнда Бишкек-Балыкчы каттамы ишке ашырылып баштайт.

Белгилей кетсек, 24-июнда нөшөрлүү жаан-чачындан улам сел жүрүп, Жел-Арык темир жолунун 3894-чакырымында темир жолдун 10 метр конструкциясы жуулуп кеткен. Ошондой эле 3896-чакырымында жана 3897-чакырымында жер көчкү 35 метрге жакын темир жолду басып калган.

Мындан улам Балыкчы шаарынан Бишкекке жүргүнчү ташып бара жаткан поезд кайра Балыкчыдагы станцияга кайткан. Бүгүн, 25-июнда поезд каттамы убактылуу токтотулган.

Автор: Бактыгүл Момбекова