Эл аралык сулуулар сынагына катышуу үчүн Ширин Алайчиева Польшага учуп кетти

"Miss Supranational Kyrgyzstan" наамынын ээси Ширин Алайчиева Польшада өтө турган эл аралык сулуулар сынагына учуп кетти. Улуттук сулуулар сынагынын дирекциясынан билдиргендей, "Miss Supranational 2022" сынагы 26-июндан 16-июлга чейин өтөт.

Ширин Алайчиева - Кыргызстандан жана Борбор Азия өлкөлөрүнөн "Miss Supranational" сынагына катышып жаткан биринчи өкүл экенин кошумчалашат дирекциядан.

2021-жылдын ноябрында "Мисс Кыргызстан-2021" сынагында Ширин Алайчиева "Кыргызстандын вице-мисси-2021" наамын жеңип алган.

Ширин Алайчиева Бишкек шаарында төрөлүп-өскөн. 18 жашта. Мектепти аяктагандан кийин Ошко көчүп кетип, ОшМУга тапшырган. Учурда медицина факультетинде жалпы медицина адистиги боюнча билим алууда. Диплом алгандан кийин аспирантурага тапшырууну көздөйт.

Автор: Бактыгүл Момбекова