Бир шарты бар. Жылдык кирешеси 8 миллион сомдон ашпаган ишкерлер салык төлөөдөн бошотулат

Жылдык кирешеси 8 миллион сомдон ашпаган ишкерлер бир шартты аткарса салык төлөөдөн мөөнөтсүз бошотулат. Бул туурасында Экономика жана коммерция министрлигинен кабарлашты.

Андагы маалыматка ылайык, жылдык кирешеси 8 миллион сомго чейин болсо жана ал ишкер милдеттүү түрдө контролдук-кассалык машинаны колдонсо (ККМ) салык төлөөдөн бошотулат.

Президенттин "Чакан ишкерликти колдоо, жагымдуу салык жана бажы климатын түзүү жөнүндө" жарлыгын ишке ашыруунун алкагында жыл сайын 8 миллион сомго чейин киреше алуу жана ККМны милдеттүү түрдө пайдалануу боюнча талаптарды аткарууну караган мыйзам долбоору демилгеленген.

Бул мыйзам долбоору 2022-жылдын январында министрлер кабинетинин расмий сайтында жарыяланган.

Учурда министрликтердин жана бизнес чөйрөсүнүн өкүлдөрүнүн сунуштарын эске алуу менен мыйзам долбоору такталып жатат.

Автор: Бактыгүл Момбекова