1-июлда "Ала-Тоо" аянтында "Чек талап кылып, байге утуп ал!" лотереясынын биринчи утушу болот

Салык кызматынын "Чек талап кылып, байге утуп ал!" лотереясынын биринчи утушу 1-июлда өткөрүлөт. Иш-чара саат 18:00дө "Ала-Тоо" аянтында орун алат.

Министрлер кабинетинин басма сөз кызматынан белгилешкендей, лотереянын катышуучуларынын арасында баалуу байгелер, анын ичинде 2 унаа, 10 iPhone, 10 смартфон, 25 даана ар кандай тиричилик техникасы ойнотулат.

Иш-чарага министрлер кабинетинин төрагасы Акылбек Жапаров катышат.

Утуштун соңунда көрүүчүлөр кыргыз эстрада жылдыздарынын катышуусундагы шаңдуу концертке жана кызыктуу шоу-программага күбө болушат.

Автор: Бактыгүл Момбекова