"Радуга" пансионатындагы мушташтын негизги себепкери 20 күнгө камалды

Бүгүн Ысык-Көлдөгү "Радуга" пансионатындагы мушташтын негизги себепкери 34 жаштагы М.Э. аттуу жарандын баш коргоо чарасы каралды. Бул тууралуу облустук соттун басма сөз кызматынан билдиришти.

Ага ылайык, Ысык-Көл райондук соту мушташтын негизги себепкери М.Э.ге 20 күнгө, тактап айтканда 20-июлга чейин камакта калтыруу чечимин чыгарган.

Эске салсак, кечээ, 29-июнда Ысык-Көлдөгү "Радуга" пансионатында болгон мушташ фактысы боюнча Ысык-Көл РИИБи кылмыш ишин козгогон. Алгачкы тергөө иш-амалдарынын жүрүшүндө 11 адамдын мушташка түздөн-түз тиешеси бар экендиги аныкталган. Буга удаа социалдык тармактарда Ысык-Көлдөгү "Радуга" пансионатында орун алган мушташтын дагы бир видеосу тараган.

Автор: Айжанар Рыспек кызы