Интернет колдонуучу Бишкекте улгайган адам көчөдө калып, Ошко кете албай жатканын жазып чыкты

Бишкекте улгайган адам көчөдө калып, өзү төрөлгөн Ош облусуна кете албай жатат. Бул тууралуу фейсбук колдонуучусу Владимир Цай жеке баракчасына жазып чыкты.

"52 жаштагы Жолболду Маматкулов “Сорока” көлмөсүнүн жанындагы кароосуз калган үйдө күн кечирип келет. Айтымында, ал Өзгөн районуна караштуу Кураш айылында төрөлгөн. “Карл Маркс көчөсүндө жашачумун, бирок ал үйдү сатып жиберишти. Аялым Москвадагы эжесине кетти. Мен Ошко кетким келип жатат, таксиге 2 миң сом керек. Ал жакта эки байкем, эжем жана иним бар” дейт", - деп жазды фейсбук колдонуучусу.