Токмокто карындашын коргогон аганын иллюстрациялык сүрөтү жарыяланды

Сүрөтчү, дизайнер Асема Кубанычбекова өзүнүн социалдык тармактагы баракчасына Токмоктогу каргашалуу окуяда карындашына зомбулук көрсөткөн адамдан коргогон аганын иллюстрациялык сүрөтүн жарыялады.

Эске салсак, 1-июлда Чүй облусунда карындашына зомбулук көрсөткөн кишини агасы атып алганы, ал кармалып, Токмок шаардык милициянын убактылуу кармоочу жайына киргизилгени жазылган.

Көп өтпөй SUPER.KG порталына карындашы Асел Жумакулова кайрылып, окуянын чоо-жайын айтып, кыргыз элинен жардам сураган. Белгилей кетсек, Чүй райондук соту Асел Жумакулованын агасын 2 айга камакта калтыруу чечимин чыгарган.

Автор: Ализа Табылды кызы
Фото: Асема Кубанычбекова