Муфтият: "Садыбакас Дооловдун сөзү кадыр-баркка шек келтирбейт"

Кыргызстан мусулмандарынын дин башкармалыгы социалдык тармакта талкуу болуп жаткан Садыбакас Дооловдун видеосун 3 критерий менен карап чыкты.

Муфтияттын басма сөз кызматы билдиргендей, анда шариятты бузбагандыгы, саясатка аралашпагандыгы жана жеке бир адамдын аброюна жана кадыр-баркына шек келтирбегендиги аныкталган.

"Учурда Садыбакас Доолов менен баарлашуу иштери жүргүзүлүп, элге айта турган сөздүн мааниси толук жетпей калгандыгы айтылды", - деп жазылган маалыматта.

6-июлда социалдык тармакка диний ишмер Садыбакас Дооловдун видеосу тараган. Анда имамдын ачык кийинген кыз-келиндер тууралуу кеп кылганы кызуу талкуу жараткан.

Автор: Айзада Кыдырмышева