Эртең Айт намазына карата Бишкектеги айрым көчөлөр жабылат (тизме)

Эртең, 9-июлда Айт намазына карата Бишкекте бир катар борбордук көчөлөр жабылат.

Милициянын кайгуул кызматынан билдиришкендей, эртеңки Айт намазын өткөрүү жана ага даярдануу учурунда саат 04:00дөн 08:00гө чейин төмөнкү көчөлөр жабылат:

Чүй кең көчөсүнүн Тоголок Молдо көчөсүнөн тартып, Тыныстанов көчөсүнө чейинки бөлүгү;
Фрунзе көчөсүнүн Тоголок Молдо көчөсүнөн тартып, Тыныстанов көчөсүнө чейинки бөлүгү.

Жабыла турган көчө кесилиштери:

Тыныстанов көчөсү менен Абдумомунов көчөсүнүн кесилиши;
Логвиненко, Панфилов, Орозбеков, Тыныстанов көчөлөрүнүн Чүй жана Фрунзе көчөлөрүнүн кесилишкен жерлери.

Автор: Айпери Бакталбек кызы