Депутат Аида Исатбек кызы: "Депутат болуп келгенде "кимдин кызысың?" деп кызыгышкан"

Депутат Аида Исатбек кызы SUPER.KG ютуб каналынын "Рулдагы жылдыз" рубрикасында конокто болду. Анда ал үй-бүлөсү, кызматы жана унаасы тууралуу айтып берди.

"Атамдын ким экени көпчүлүккө кызык. Мен Жогорку Кеңешке жаңы депутат болуп келгенде "ай, сен кимдин кызысың?" деп кесиптештерим кызыгып сурашкан. Себеби 3975 добуш менен келдим. Аял кишилер үчүн бул добуш абдан чоң жетишкендик. Ошол себептен көпчүлүк бир чоңдун кызы го деп ойлосо керек (күлүп). Негизи ата-энем жаш кезинен бери эле жеке ишкерлик менен алектенет. Калп айтпайм, чынында атамдын, жолдошумдун колдоосу менен депутат болдум", - дейт Аида Исатбек кызы.