Жалал-Абад шаары Кыргызстандын экинчи экономикалык борбору аталат

Бүгүн, 14-июль күнү министрлер кабинетинин жыйынында министрлер кабинетинин төрагасы Акылбек Жапаров Жалал-Абад шаары экинчи экономикалык борбор аталарын билдирди.

"Кыргызстанда экинчи экономикалык борбор – өнүгүүнүн таяныч түйүнү пайда болот, анын борбору Жалал-Абад шаары болот. Себеби:

Энергогенерациянын үчтөн экиси Жалал-Абадда;
Түндүк-түштүк альтернативдүү жолу;
Балыкчы-Кара-Кече-Жалал-Абад темир жолу өтөт;
Жаратылыш ресурстарына бай (алтын, күмүш, жез, газ, мунай);
Жогорку өнөр жай потенциалына ээ;
Курорттук-рекреациялык потенциал, минералдык булактар, жаңгак токойлору, тарыхый-туристтик объекттердин концентрациясы жана башкалары бар", - деди ал.