Төө-Ашуудагы тоннелде 5 күн унаалардын өтүүсүнө убактылуу чектөө киргизилет

Бишкек-Ош жолун оңдоо-калыбына келтирүү иштерине байланыштуу К.Көлбаев атындагы тоннелде 5 күн унаалардын өтүүсүнө убактылуу чектөө киргизилет. Бул тууралуу "Кыргызавтожол" ишканасынан билдиришти.

Маалыматка ылайык, мындай чектөө 22-27-июль күндөрү күз-кыш мезгилине даярдык көрүү үчүн жолду оңдоо-калыбына келтирүү иштерине байланыштуу киргизилет.

22-июль күнү:

саат 4:00дөн 6:00гө чейин,

саат 10:00дөн 12:00гө чейин,

саат 14:00дөн 16:00гө чейин.

23-27-июль күндөрү:

саат 23:00дөн – 01:00гө чейин,

саат 02:00дөн – 04:00гө чейин.

Калган убакта каттам толугу менен ачык болот.

"Айдоочуларды жана жүргүнчүлөрдү транспорт каражаттарына чектөө киргизүү боюнча аргасыз чарага түшүнүү менен мамиле кылууну суранабыз. Күз-кыш мезгилинде жол кыймылынын үзгүлтүксүз жана коопсуз болушу үчүн жол оңдоо иштери жүргүзүлөт", - деп жазылат маалыматта.

Автор: Алина Айдарбекова