Бишкекте “Ааламды багынткан Айтматов” аттуу тегерек стол өтөт

Бишкек Гуманитардык университетинде эртең, 4-декабрда жазуучу Чыңгыз Айтматовдун 85 жылдыгына карата “Ааламды багынткан Айтматов” аттуу тегерек стол өтөт. Бул тууралуу аталган иш-чаранын уюштуруучулары маалымдашты.

Тегерек столго жазуучунун бир туугандары Ильгиз Айтматов жана Роза Айтматова, режиссёр Бекболот Айдаралиев жана Чыңгыз Айтматовдун чыгармачылыгын изилдеген окумуштуулар катышат. Катышуучулар “Ата-Бейит” мемориалдык комплексине барып, Айтматовдун эстелигине гүл коюшат. Аталган иш-чаранын алкагында Б.Айдаралиевдин жазуучу тууралуу “Менин сөзүм – менин жан дүйнөм” аттуу тасмасынын бет ачары болот.

Автор: Айпери Ганыжан кызы