Сузакта 43 жаштагы Өмүрбек Исламов дайынсыз болуп изделүүдө

Жалал-Абад облусунун Сузак районундагы Кыз-Көл айыл аймагынын Жаңы-Айыл айылынын 43 жаштагы тургуну Өмүрбек Исламов дайынсыз болуп изделүүдө. Бул тууралуу облустук милициядан кабарлашты.

Маалыматка ылайык, ал 11-июль күнү саат 09:30 чамасында үйүнөн чыгып кеткен боюнча дайынсыз болууда.

Учурда Өмүрбек Исламов жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт.

Белгилери: бою 175-180 сантиметр, ак жүздүү, чачы кара кыска, кашы, көзү кара, орто дене түзүлүштө.

Кийген кийимдери: боз түстөгү кепка, боз түстөгү футболка жана спорттук шым, бутунда күрөң түстөгү крассовка.

Милиция кызматы дайынсыз болуп жаткан Өмүрбек Исламов боюнча кандайдыр бир маалымат болсо төмөнкү номерлерге кайрылып коюуну өтүнөт: 03722-7-39-90, 102, 0553-78-00-78, 0777 80-65-68.

Автор: Айжанар Рыспек кызы
Фото: Жалал-Абад ОИИБи