Боомдо Бишкекти көздөй келе жаткан унаалардын узун кезеги жаралды

Боом капчыгайында селге байланыштуу жабылган унаа жолунда Ысык-Көлдөн Бишкекке бара жаткан багытта узун кезек жаралды. Бул тууралуу жеринде жүргөн кабарчыбыз билдирди.

Саат 20:50гө карата унаалардын тыгыны болжол менен 5 чакырымды түзөт.

Ал эми саат 18:20да унаа жол бир тараптуу ачылган.

Белгилей кетсек бүгүн саат 11:00 чамасында Бишкек - Нарын - Торугарт унаа жолунун 128-129-чакырымында кыска мөөнөттө нөшөрлөп жааган жаандын кесепетинен сел жүрүп, кокту-колоттон түшкөн кум-шагыл жолду бөгөп калган. Буга байланыштуу жол эки тараптуу жабылган.