Азык-түлүк базар баасынан арзан. Сузакта социалдык дүкөн ачылды

Жалал-Абад облусунун Сузак районунда социалдык дүкөн ачылды. Бул тууралуу райондук администрациядан билдиришти.

Билдирүүгө ылайык, дүкөн кечээ, 30-июлда колдонууга берилди. Анда азык-түлүк базар баасынан арзан, тагыраагы өндүрүүчүлөрдүн баасында сатылат. Ага ылайык:

Ун 1-сорт 50 килограмм - 1600 сом;
Ун 2-сорт 50 килограмм - 1150 сом;
Май 1 литр - 140 сом;
Май 3 литр - 420 сом;
Май 5 литр - 680 сом;
Уй эти 1 килограмм 420 сом, кой эти 480;
Кир самын 1 даана - 25 сом;
Дарбыз 1 килограмм - 12 сом;
Коон 1 килограмм - 50 сом;
Күрүч - 80 сом.

Буга чейин Ош шаарында социалдык дүкөндөр ачылары, анда калктын муктаж катмарына эт жана сүт азыктары базар баасынан 10 пайыз төмөн баада сатылары маалымдалган.

Автор: Айжанар Рыспек кызы