"Кампалардан сатып алса болот". "Кара-Кечеден" көмүр ташуу августта башталат

"Кара-Кечеден" көмүр ташуу иштери август айынан башталат. Бул тууралуу "Кыргыз көмүр" ишканасынан билдиришти.

Маалым болгондой, "Кара-Кечеден" жеке көмүр ташыган айдоочулар түндүк аймакка көмүрдү августтан тарта ташып баштайт. Ал калкка, Бишкек шаардык ЖЭБине берилет.

Учурда "Кара-Кече" көмүр кенинде 150 миң тонна көмүр ачылып, даяр турат.

"Көмүрдү өлкөнүн түндүгүндөгү кампалардан сатып алса болот. Учурда "Кыргыз көмүрдүн" кызматкерлери элди көмүр менен камсыз кылуу үчүн күнү-түнү иш-аракеттерди жүргүзүүдө", - дешти мекемеден.

Эске сала кетсек, Кара-Кечеден чыккан көмүрдүн баасы 1450 сомду түзөт.

Автор: Айжанар Рыспек кызы