Боом капчыгайы унаалар үчүн толугу менен ачылды

Боом капчыгайы унаалар үчүн толугу менен ачык. Бул тууралуу Транспорт жана жолдор министрлигинин басма сөз кызматынан билдиришти.

"Бишкек-Балыкчы-Нарын-Торугарт унаа жолунун 151,152, 153-чакырымындагы тилкеси толугу менен ачылган. Маалым болгондой, кечээ жолдун жогоруда аталган тилкесинде кайрадан сел жүрүп, унаалардын жүрүшүнө тоскоолдук жараткан.

Кырсык болгон жерге Транспорт министрлигинин "Кыргызавтожол" мамлекеттик ишканасынан атайын техниканын жардамы менен жолду ылайдан тазалоо иштери жүрдү", - деп жазылган маалыматта.

Буга чейин Боом капчыгайында нөшөрлөп жааган жамгырдан улам кайрадан сел жүрүп жатканы кабарланган.

Автор: Айзада Кыдырмышева
Фото: Бек Оморбеков