Бишкектеги фонтандарды жууп тазалоо иштери жүрүүдө (сүрөт)

"Тазалык" муниципалдык ишканасынын кызматкерлери борбор калаадагы фонтандарды жууп, тазалап жатат. Бул тууралуу мэриянын басма сөз кызматынан билдиришти.

Маалыматка ылайык, азыркы тапта жаштар аллеясындагы Кыргыз улуттук филармониясынын, Тарых музейинин алдындагы, "Ала-Тоо" аянтындагы фонтандар жуулууда.

Ошондой эле "Күн балыктары", "Алтын Балыктар" фонтан комплекстеринде дагы тазалоо иштери жүрүп жатат.

Ишкананын балансында 16 фонтан бар. Тазалоо иштерине жалпы 10 жумушчу жана 3 атайын техника тартылып, күн сайын адистер фонтандардын ичтериндеги жалбырактарды, ар кандай таштандыларды чогултушуп, андан соң мотор, насостордун иштешин текшерип жатат.

Автор: Нуриса Керимкулова
Фото: Бишкек шаардык мэриясы