Орусияда «Озон» соода түйүнүнүн кампаларынын бири өрттөндү

Кечээ, 3-августта Москва районундагы «Озон» соода түйүнүнүн кампаларынын биринде өрт чыккан. Өрт 50 миң чарчы метр аянтты каптады. Жабырлануучулар бар. Бул тууралуу чет элдик басылмалар жазышты.

Маалыматка ылайык, саат 13:00до өрт башталган. Өрттөн 11 адам жабыр тартып, экөөсү ооруканада.

Өрттү 100 адам, 30 техника өчүрүүгө аракет кылышкан. Куткаруучулардын айтымында атайын өрттөгөн же электр жабдыктарынан чыккан болушу мүмкүн.

Маалыматта өрт учурунда иштеп жаткан кызматкерлерге жана сатып алуучуларга кенемте төлөнүп берилет. Канча суммада экендиги азырынча белгисиз.

Автор: Чолпон Алмазбек кызы