Бишкек мэриясы көмүр базаларынын даректерин жарыялады

Бишкектин төрт районунда кышкы мезгилге көмүр даярдоо боюнча иштер башталды. Шаардык бийликтин маалыматына таянсак, көмүр камдоо июль айында башталган.

Биринчи Май районунун аймагында отун базалары жок, бирок жыл сайын күз-кыш мезгилиндеги жылытуу мезгилинде көмүр сатуучу 20га жакын стационардык пункттар ачылат.

Ленин районунун аймагында төмөнкү даректер боюнча 7 көмүр базасы иштейт:
- Садыгалиев көчөсү, №4б дарегинде;
- Мурманск көчөсү, 126 дарегиндеги көмүр базасы;
- Мурманск көчөсү, 45/2 дарегиндеги «Кара-Тоо» ЖЧКсы;
- Мурманск көчөсү, 122 жана 122а даректериндеги «Береке» ЖЧКсы;
- Мурманск көчөсү, 1Б дарегиндеги «Беш Сары» ЖЧКсы;
- Дэн Сяопин кең көчөсү, 306а дарегиндеги Кыргыз Республикасынын Коргоо министрлигинин көмүр базасы;
- Дэн Сяопин кең көчөсү, 308/4 дарегиндеги «Болотбеков» ЖИ.

Ошондой эле жыл сайын күз-кыш мезгилиндеги жылытуу мезгилинде көмүр сатуу боюнча 20га жакын стационардык пункттар ачылат.

Свердлов районунун аймагында Достоевский көчөсү, 1 дарегинде 1 көмүр базасы бар.

Октябрь районунун аймагында Кара-Жыгач конушундагы Сары-Өзөн көчөсү 98а дарегинде «Глобал Азия Пропертис» ЖЧКсынын 1 көмүр базасы бар.