ТИМ Орусиядагы миграциялык каттоо боюнча маалымат таратты

Кыргыз жарандарын миграциялык каттоо мурдагыдай эле эмгек келишиминин негизинде 1 жылга чейинки мөөнөт менен жашаган жери боюнча Орусиянын аймагына кирген күндөн тартып 30 күндүн ичинде ишке ашырылат. Бул тууралуу Тышкы иштер министрлигинен билдиришти.

ТИМ социалдык түйүндөрдө тарап жаткан 3 айга миграциялык каттоого туруу менен 3-сентябрга чейин Кыргызстандын жарандарына кирип-чыгуу жол-жобосун ишке ашыруу керектиги тууралуу мыйзам Орусия тарабынан кабыл алынгандыгы жөнүндө маалымат чындыкка дал келбестигин эскертет.

"Эгерде Кыргызстандын жарандарынын Орусияда жүрүүгө мыйзамдуу негиздери болсо, 2022-жылдын 3-сентябрына чейин жана андан кийин чыгуу-кирүү жол-жобосун жүргүзүүнүн зарылдыгы жок", - деп жазылат маалыматта.

Автор: Чолпон Алмазбек кызы