“Манас” эпосунун негизинде сериал тартуу боюнча сүйлөшүүлөр жүрүүдө

“Манас” эпосунун негизинде сериал тартуу боюнча сүйлөшүүлөр жүрүүдө. Бул тууралуу SUPER.KG порталына сценарист, продюсер Өмүрзак Төлөбеков билдирди.

Ал Жалил Садыковдун “Манастын уулу Семетей” драмасынын негизинде тартылган “Манастын уулу Семетей” көркөм тасмасына продюсерлик кылган.

“Манас” эпосу боюнча сериал тартуу боюнча дагы чет өлкөлүк чоң компаниялар менен сүйлөшүүлөр жүрүүдө. Ага “Манастын уулу Семетей” аттуу тасмабыз көрсөтүүчү курал болуп калды”,- деди Төлөбеков.

Көркөм тасма 25-августтан тарта кинотеатрларда көрөрмандарга тартууланат. Ал эми августтун соңунда Москвада коюлат, ошондой эле башка мамлекеттер менен сүйлөшүүлөр жүрүп жатканын кошумчалады.