Бишкек шаарында уруксатсыз иштеп жаткан объектилер алынды

Бишкек шаарынын мэриясы борбор калааны уруксат берилбеген объектилерден тазалоодо. Бул туурлалуу шаардык мэриядан кабарлашты.

Маалыматта айтылгандай, инспекция күн сайын объектилерди орнотуунун мыйзамдуулугун текшерип турат, түшүндүрүү иштерин жүргүзөт жана ыктыярдуу демонтаждоо жөнүндө билдирүүлөрдү берет. Мындай иш-аракеттерден кийин Сухэ-Батор жана Юнусалиев көчөлөрүнүн кесилишиндеги темир тосмолор өз ыктыяры менен демонтаждалды.

Скрябин көчөсүндөгү тротуардын астына түшкөн күркө дагы ээсинин ыктыяры менен алынган. Инспекторлор Манас/Чыңгыз Айтматов кең көчөсү (батыш тарабы) боюнча Чүй кең көчөсү "Ала-Арча" мамлекеттик резиденциясына чейин 10 темир мамыны алып салышты. Ошондой эле 9 жарнама штендер алып салынды.

Автор: Сезим Жумагулова
Фото: Бишкек шаардык мэриясы