Орусиядагы жол кырсык: Ооруканага жаткырылган үч адам Кыргыз жарандары

Орусиянын Ульяновск облусунда катталган жол кырсыгынан соң ооруканага жаткырылган үч адам Кыргыз жарандары. Бул тууралуу Кыргызстандын Орусиядагы элчилиги тастыктады.

Маалыматка ылайык, Кыргыз жарандары: эки эркек, бир аял киши - учурда алардын абалы белгисиз.

Кечээ, 21-август күнү Ульяновск облусунда жол кырсыгы катталып, 16 адам каза болду. Алардын ичинен 14ү Кыргыз жараны.

Элчилик тарабынан жогорудагы кырсыкта каза болгон жана жабыркаган кыргыз жарандарынын жакын туугандары үчүн +7 (926) 861 50 98 ишенимдүү түз байланыш номери уюштурулду.

Ошондой эле Кыргызстандын Тышкы иштер министрлигинде да +996 508 628-588, +7 977 947 55 80, +996 551 312-000 (WhatsApp) түз байланыш номерлери ачылды.

Автор: Айзада Кыдырмышева