Өлкөгө Орусиянын премьер-министри Михаил Мишустин келди

Орусия өкмөтүнүн төрагасы Михаил Мишустин Евразиялык өкмөттөр аралык кеңешинин кезектеги жыйынына катышуу үчүн Кыргызстанга келди. Бул тууралуу министрлер кабинетинин басма сөз кызматынан билдиришти.

Маалыматка ылайык, Мишустинди "Ысык-Көл" эл аралык аэропортунан министрлер кабинетинин төрагасынын орун басары Бакыт Төрөбаев тосуп алды.

Чолпон-Ата шаарында Евразиялык өкмөттөр аралык кеңешинин кезектеги жыйыны өтүүдө, анда интеграциялык биримдик алкагындагы бир катар актуалдуу маселелер каралат.

Автор: Айзада Кыдырмышева