Гүлкумар Абдуллаева: “Шаарда 1000 эркекке 1115 айым туш келет”

Бишкекте 4-декабрда гендерлик статистика боюнча тегерек үстөлдө Улуттук статистика комитетинин башкы эксперти Гүлкумар Абдуллаева “Шаар тургундарында 16 жаштан баштап күйөөнүн жетишсиздиги байкала баштайт” деп билдирди.

Анын айтымында, айыл жана шаар жашоочуларынын жаш өзгөчөлүгүнүн структурасында бир топ айырмачылыктар бар. Шаарда көбүнесе улгайган айымдар жашайт. Бул жаш аялдардын миграциянын айынан чет жерлерге чыгып кеткендиги менен түшүндүрүлөт. Шаарларда жашагандардын жашы орто эсеп менен 29,8 жаш болсо, айыл жергесинде бул көрсөткүч 27,3 жашты түзөт.

“Айылдарда 1000 эркекке 980 аял туш келсе, шаарда 1000 эркекке 1115 айым туш келет. Айыл тургундарында 46 жаштан баштап күйөөнүн жетишсиздиги байкалат”,- деди ал.

Автор: Айпери Ганыжан кызы