Жалал-Абад мамлекеттик университетинде Чыңгыз Айтматовдун 85 жылдыгына карата конференция болуп өттү

Жалал-Абад шаарындагы ЖАМУнун жыйындар залында Чыңгыз Айтматовдун 85 жылдык мааракесине карата “Түбөлүктүү жашай берет Айтматовдун ааламы” аттуу республикалык деңгээлдеги илимий-практикалык конференция болуп өттү. Бул тууралуу 5-декабрда аталган окуу жайдын басма сөз кызматы билдирди.

Окуу жай менен Жалал-Абад облустук телерадио компаниясы биргеликте уюштуруп жаткан илимий практикалык конференцияга студенттер, окутуучулар катышты.

Мындан сырткары конференцияга өкмөттүн облустагы өкүлүнүн 1-орун басары Жумагүл Эгембердиева жана шаар мэринин социалдык маселелери боюнча вице-мэри катышты. Иш-чарада жазуучунун өмүрүн, чыгармачылыгын талкуулаган катышуучулар Чыңгыз Айтматов кыргыз элинин жүрөгүнөн түбөлүккө орун алып жашай берет деген ойлорду айтышты.

Автор: Айпери Ганыжан кызы