Ахматбек Келдибеков толугу менен акталды

Жогорку Кеңештин мурдагы төрагасы Ахматбек Келдибеков толугу менен акталды. Маалыматты SUPER.KG порталына Бишкектин Биринчи Май райондук сотунан тастыкташты.

Маалыматка ылайык, Биринчи Май райондук сотунун 2022-жылдын 18-августундагы өкүмү менен Келдибеков Кылмыш-жаза кодексинин "кызматтык абалынан кыянаттык менен пайдалануу" жана "коррупцияга шериктеш болуу" беренелери боюнча күнөөсүз деп табылып, кылмыштын курамы жок деп акталды.

Эске салсак, Келдибековго 2002-2005-жылдары Социалдык фонддун төрагасы жана 2008-2009-жылдары Салык кызматын башкарган убагында коррупция беренеси жана Жогорку Кеңештин спикери кезинде кызматтык абалынан кыянаттык менен пайдаланган деген айып тагылган.

2013-жылы ноябрда УКМК тарабынан тергөө абагына киргизилип, Бишкек шаарынын Биринчи Май райондук соту 2015-жылы ноябрь айында "коррупция" беренеси боюнча актап, ал эми Москвадагы өкүлчүлүктү ачуу боюнча үч миллион сом айып салган.

Жогорку Сот 2021-жылдын 18-августагы чечими менен Ахматбек Келдибековго карата 2015-жылы жана 2016-жылдары чыгарылган өкүмдөрдү жокко чыгарган. Анда экс-спикердин ишти жаңы ачылган жагдайлар боюнча кароо жөнүндөгү өтүнүчү канааттандырылып, Бишкек шаарынын Биринчи Май райондук сотуна кайрадан кароого жөнөтүлгөн эле.


РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА