Бишкекте казак драма театрынын гастролу башталды

Бишкектеги Токтоболот Абдумомунов атындагы кыргыз улуттук драма театрында казак театрынын гастролу башталды. Бул тууралуу Маданият, маалымат, спорт жана жаштар саясаты министрлигинин басма сөз кызматынан билдиришти.

Маалыматка ылайык, 7-октябрь күнү кечинде улуттук драма театрында Казакстандын И.Омаров атындагы Костанай облустук казак драма театрынын гастролу "Сұлтанның аты - сұлтан" комедиясы менен башталган.

"Боордош казак элинин чыгармачылык гастролу Бишкек шаарында үч күнгө уланат.

07.10.2022 - "Сұлтанның аты - сұлтан" комедиясы (реж. Б.Абдураззаков);

08.10.2022 - "Алжир" реквием (реж. Б.Шамбетов);

09.10.2022 - "Кішкентай адамның үлкен трагедиясы" комедиясы (реж. Б.Шамбетов).

Спектакль күн сайын кечки саат 18:30 башталат", - деп жазылат маалыматта.

Гастролдун максаты кыргыз-казак элинин ортосундагы кылымдардан бери келе жаткан достук байланыштарды мындан ары чыңдоо, улуттук театрдын өкүлдөрүнүн тажрыйба алмашуусуна көмөк көрсөтүү болуп эсептелери айтылат.

Автор: Каныкей Амантаева
Фото: Маданият, маалымат, спорт жана жаштар саясаты министрлигинин басма сөз кызматы