Бишкектин борбордук райондорунда 4 күнгө жаратылыш газы өчүрүлөт

Бишкектин борбордук райондорунда 17-20-октябрь күндөрү жаратылыш газы өчүрүлөт. Бул тууралуу "Газпром Кыргызстан" ишканасы билдирди.

Маалыматка ылайык, ишкана 1971-жылы пайдаланууга берилген жер астындагы газ түтүктөрүндө газдын чыгышын жоюу боюнча оңдоп-түзөө иштерин жүргүзүүнү пландап жатат.

Көгүлтүр от өчүрүлчү жерлер:

Чүй кең көчөсү, Ибраимов, Москва жана Калык Акиев көчөлөрү менен чектешкен аймакта;

Жибек жолу кең көчөсү, Сүйүмбаев, Түгөлбай ата жана Шопоков көчөлөрү менен чектешкен аймакта;

Элебаев, Байтик баатыр, Кулатов жана Лев Толстой көчөлөрүндө.

Компания ыңгайсыздыктар үчүн шаардыктардан кечирим сураган.

Автор: Алина Айдарбекова
Фото: Бек Оморбеков