Боомдо 5 күн катары менен жол жабылып, таштарды түшүрүү иштери жүргүзүлөт

Боом капчыгайында 5 күн катары менен кооптуу таштарды түшүрүү иштери жүргүзүлөт. Бул тууралуу "Кыргыз темир жолу" ишканасынан билдиришти.

Маалыматка ылайык, 17-октябрдан 21-октябрга чейин (аба ырайынын шарттарын эске албаганда) Бишкек-Нарын-Торугарт унаа жолунун 131-чакырымында тактап айтканда, Боом капчыгайында кооптуу таштарды түшүрүү иштери жүргүзүлөт.

Таш түшүрүү иштери саат 09:00дөн 15:00гө чейин ИИМдин жол кыймылынын коопсуздугун камсыздоо боюнча башкармалыгынын кызматкерлери тарабынан жол жарым-жартылай тосулгандан кийин, күндүзгү убакытта жүргүзүлөт. Жолду тазалоо учурунда унаалар бир тилкеге гана багытталат.

30-40тан ашык унаа топтолгон учурда таштарды түшүрүү иштери токтотулуп, унааларды өткөрүүгө уруксат берилет.

Автор: Алина Айдарбекова