Министр: "ӨКМнын тик учагы менен бир саатка учуу баасы 2300 доллар турат"

Өзгөчө кырдаалдар министрлигине алынган тик учак менен бир саатка учуу баасы 2300 доллар турат. Бул жөнүндө өзгөчө кырдаалдар министри Бообек Ажыкеев министрликтин бир жылдык иши тууралуу маалымат жыйын берип жатып билдирди.

"Биздин авиакомпания толук коммерциялык болуп эсептелет. Анын ар бир учуусу коммерциялык баада жүргүзүлөт. Бир сааты 2300 доллар. Буга ар бир жаран, менчик компания же мамлекеттик компания болобу, кимиси кайрылбасын жогорудагы акчаны төлөйт. Убактысына жараша тик учакты колдонот.

Биз жол кырсыгы, жаратылыш кырсыгы болобу, суу кырсыгы болобу, кайсы гана кырсык болбосун аны акысыз жүргүзөбүз. Бирок авиакомпаниябыз толугу менен коммерциялык долбоор. Өзүнүн бардык учууларын коммерциялык баада жүргүзөт. Муну айтып жатканымдын себеби азыр социалдык тармакта тик учактарыбыз кайсы бир жерде байкалып, учуп жүрөт деген талкуулар болууда. Кимиси болбосун айтылган каражатты төлөйт, тик учакта уча алат", - деди министр.

Ошондой эле тик учактын ичинде анын учуу убактысын эсептей турган атайын аппараты бар экенин жана ӨКМнын эч бир кызматкери тик учакты өз максатына колдоно албастыгын кошумчалады.

"Тик учак 2 миллион 730 миң еврого алынган. Муну бекер же ар жакка шарактатып айдоо мамлекетке чыккынчылыкка тете болот. Ошондуктан өзүнө салынган акчаны кайтарыш керек. Кудай буюрса, түшкөн каражатка дагы башка тик учак алууга аракет кылышыбыз керек", - деди ал.

Белгилей кетсек, тик учакка 4 адам батат.

Автор: Айжанар Рыспек кызы

16:33 17-10-2022

Жазылуу

РУБРИКАДАГЫ СОҢКУ КАБАРЛАР

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 214 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 280 0

10:47 2025-06-22 | Түркүн дүйнө

Иран АКШны БУУнун уставын жана эл аралык мыйзамдарды бузду деп айтыптады 728 0

10:06 2025-06-22 | Спорт

Мыктыбек Оролбай уулу UFCде үчүнчү жеңишине жетти (видео) 716 1

09:41 2025-06-22 | Түркүн дүйнө

Иран АКШнын соккулары боюнча билдирди 1980 0

09:28 2025-06-22 | Түркүн дүйнө

АКШнын аба күчтөрү Ирандын үч өзөктүк объектисин талкалады. Трамп эмне дейт? 1617 0

Архив

Комментарийлер (2)

Аkjol18

2022-10-17 19:09:00

Министр мырза,өзү жарнамалаптырда жакшы .Келгиле,төлөп учуп ойногула деп.

nurik73

2022-10-17 19:51:00

Ажыкеев сен озундун чонтогунон кеткендей айтып жатасын го акчасын кайтарып алыш керек деп. Элдин мамлекеттин акчасына алынган техниканы элдин кереги учун жумша. Коммерция кылганды унут. Алыскы райондордон оорулу адамды алып келиш учун скорыйлар ченебеген акча алышат.

Комментарий калтыруу үчүн өз ысымыңыз менен кириңиз же каттоодон өтүңүз.